वक्फ बिल विरोधात मुरूम शहरात मुस्लिम समाजाचे धरणे आंदोलन

इम्रान सय्यद

मुरूम शहर प्रतिनिधी

केंद्र सरकारने पारित केलेल्या वक्फ विधेयक 2024 रद्द करा या मागणीसाठी मुरूम शहर व परिसरातील असंख्य मुस्लिम समाजाकडून मुरूम येथे शुक्रवारी दिनांक 11 रोजी धरणे आंदोलन करण्यात आले आंदोलनात अनेक वक्त्यांनी वक्फ कायद्याबद्दल बोलताना सांगितले की केंद्र सरकारची ही कृती भारत देशात राहणाऱ्या मुस्लिम समाजाच्या हिताच्या विरोधात आहे. या विधेयकात संविधानाच्या कलम 21 25 व 30 या तरतुदीचा सरासरी उल्लंघन करण्यात आलेला असून देशात राहणाऱ्या नागरिकांच्या धर्म स्वतंत्र्य या मूलभूत अधिकारावर गदा आणला गेला आहे

देशात जवळजवळ नऊ लक्ष एकर जमीन व इतर स्तरावर जंगम मालमत्ता ही मुस्लिम धर्मातील लोकांनी आपली खाजगी जमीन व संपत्ती समाजासाठी दान केलेली आहे ही संपत्ती कोणत्या ही शासनाच्या मालकीची नाही.

वक्फची जमीन व मालमत्तेचे व्यवस्थापन होणारे तंटे व त्याची निवारण याबाबत देशात 1995 मध्ये एक परिपूर्ण व मजबूत असा वक्फ कायदा संस्थेने पास केला होता त्याला देशातील सर्व मुस्लिम समाजाची अनुमती होती हा कायदा देशात लागू होऊन त्यातून व्यवस्थितरित्या कार्य पार पाडले जात असताना सरकारने अल्पसंख्यांक मुस्लिम समाजाच्या बाबतीत दोष भावनेतून केंद्र सरकार वक्फ बोर्डाच्या जमिनीवर डोळा ठेवून ते हडपण्याच्या उद्देशाने सदर विधेयक मंजूर केलेले आहे

सदर विधेयकाचे मुस्लिम समाजाकडून निषेध करण्यात येत असून तात्काळ विधेयक रद्द करावे अन्यथा यापेक्षा तीव्र आंदोलन करण्यात येईल असा इशाराही देण्यात आला आंदोलनात संविधान जिंदाबाद, संविधान बचाव देश बचाव, काळा कायदा रद्द करा, अशा अनेक घोषणा देण्यात आल्या.आंदोलन सकाळी दहा ते अकरा वाजेपर्यंत करण्यात आले आंदोलनानंतर मुरूम पोलीस ठाण्याचे सहाय्यक पोलीस निरीक्षक यांच्यामार्फत पंतप्रधानांना निवेदन देण्यात आले आंदोलनात मौलाना शौकत, मौलाना अब्बास, हाफिज अब्दुल , हाफिज सलीम, हाफीज निजाम बाबा कुरेशी, इकबाल चौधरी, सरफराज काजी, इलियास पीरजादे, सलीम अत्तार , अय्युब मासुलदार, राजू मुल्ला, अय्युब जवळगे, रफिक येणेगुरे, अय्युब इनामदार, युसुफ मुल्ला, अब्बास मुल्ला, जमीर इनामदार, शाहिद येणेगुरे यांच्यासह असंख्य समाज बांधव उपस्थित होते

आंदोलन दरम्यान अनुचित प्रकार घडू नये म्हणून मुरूम पोलीस ठाण्याचे सहाय्यक पोलीस निरीक्षक संदीप दहिफळे यांनी चोख पोलीस बंदोबस्त ठेवला होता