*🟢पैगंबर मुहम्मद (स.): एक परिचय🟢*

 

*🟢पैगंबर मुहम्मद (स.): एक परिचय🟢*

 *"ना एखाद्या गोऱ्याला काळ्यावर, ना काळ्याला गोऱ्यावर काही श्रेष्ठत्व आहे. सगळे आदमची लेकरं आहेत आणि माणूस म्हणून सगळे समान आहेत."*

मानवी समानतेचा हा महान विचार संपूर्ण मानवजातीसाठी अल्लाहचे शेवटचे संदेशवाहक हजरत मुहम्मद (सल्ल.) यांचा आहे.

आपला जन्म इसवी सन ५७१ मध्ये अरबमधील प्रसिद्ध शहर मक्का येथे झाला. चाळीसाव्या वर्षी अल्लाहने आपल्याला आपला नबी बनवले आणि आपल्यावर कुरआनच्या रूपाने आपले वचन अवतरवले. अल्लाहच्या आदेशानुसार आपण २३ वर्ष लोकांना खरी दिशा दाखवत राहिलात आणि त्यांना सत्यधर्माचा संदेश दिलात. शेवटी इसवी सन ६३२ मध्ये आपल्या मिशनची पूर्तता करून आपण अल्लाहकडे परत गेलात. आजही जगातील सुमारे २५ टक्के लोकसंख्या आपल्याला आदर्श मानून आपले अनुसरण करते आणि तुमच्या अनुयायांची संख्या दिवसेंदिवस वाढत आहे.

*❇️ अवतरणाचा उद्देश:*

हजरत मुहम्मद (सल्ल.) यांचा अवतरणाचा मुख्य उद्देश होता – समाजसुधार.

परंतु हा समाजसुधार इतर सुधारकांच्या प्रयत्नांपेक्षा वेगळा होता. या सुधारणेची रूपरेषा स्वतः अल्लाहने ठरवली होती. ही केवळ बाह्य सुधारणा नव्हती, तर माणसाच्या विचारसरणीपासून ते जीवनाच्या प्रत्येक क्षेत्रापर्यंत आमूलाग्र बदल घडवून आणणारी होती.

कुरआनमध्ये अल्लाह म्हणतो –

*"आम्ही आमचे संदेष्टे स्पष्ट चिन्हे आणि मार्गदर्शनासह पाठवले आणि त्यांच्या सोबत पुस्तक आणि तोल दिला, जेणेकरून लोक न्यायावर स्थिर राहतील."*

(कुरआन ५७:२५)

म्हणजेच जीवनाच्या प्रत्येक क्षेत्रातील अन्याय, अव्यवस्था दूर करून समाजाला न्याय व समतेच्या मार्गावर आणणे हाच आपल्या जीवनाचा उद्देश होता.

*❇️ समाजाची दयनीय अवस्था:*

आपल्या मिशनचे महत्व त्या काळातील सामाजिक स्थिती पाहिल्याशिवाय कळू शकत नाही. त्या काळी अरबमध्ये –

*1️⃣. राजकीय व्यवस्था नव्हती. प्रत्येक जण आपल्याला हवे तसे कायदे बनवत असे. कबिल्यांमधील युद्धे पिढ्यान्‌पिढ्या चालत.*

*2️⃣. व्याजखोरी आणि गुलामगिरी प्रचंड होती. श्रीमंत लोक गरीबांवर अमानुष अत्याचार करत. गुलामांना वस्तूप्रमाणे वागवले जात असे.*

*3️⃣. स्त्रियांची अवस्था फारच वाईट होती. मुली जन्मल्या की जिवंत पुरल्या जात.*

*4️⃣. दारू, जुगार, व्यभिचार, लूटमार यांचा बाजार माजला होता.*

*5️⃣. शिक्षणाचा अभाव आणि मूर्तिपूजा सर्वत्र पसरली होती.*

भारतातही तेव्हाच्याच काळात वर्णव्यवस्थेमुळे समाज तुकडे-तुकडे झाला होता, स्त्रियांना सतीसारख्या क्रूर प्रथांमुळे जगण्याचा अधिकार नव्हता आणि शूद्रांसारखेच त्यांनाही धर्मग्रंथांपासून वंचित केले गेले होते.

अशा विकृत समाजाच्या मार्गदर्शनासाठी अल्लाहने आपला संदेष्टा हजरत मुहम्मद (सल्ल.) यांना पाठवले.

*❇️ कार्याची सुरुवात:*

आपण लोकांना स्वतः बनवलेल्या मूर्तींची पूजा सोडून या सृष्टीच्या खऱ्या मालकाची उपासना करण्याचे आवाहन केले.

*"हे लोकांनो! त्या परमेश्वराची उपासना करा ज्याने तुम्हाला आणि तुमच्यापूर्वीच्या लोकांना निर्माण केले – कदाचित तुम्ही तारले जाल."*

(कुरआन २:२१)

तसेच आपण सांगितले की मृत्यूनंतर प्रत्येकाला अल्लाहपुढे हिशेब द्यावा लागेल आणि खरी यशस्वी व्यक्ती तीच जी नरकातून वाचेल आणि स्वर्गात प्रवेश करेल.

*❇️ आपल्या कार्याची यशस्वी परिणती:*

मानव इतिहासात इतक्या मोठ्या प्रमाणात आणि इतक्या वेगाने समाजसुधार घडवणारा दुसरा कोणताही उदाहरण नाही.

अमेरिकन लेखक मायकेल हार्ट यांनी १९९२ मध्ये आपल्या प्रसिद्ध पुस्तकात इतिहासातील "१०० प्रभावशाली व्यक्ती" मध्ये सर्वप्रथम क्रमांकावर हजरत मुहम्मद (सल्ल.) यांना ठेवले आणि लिहिले की –

*"धार्मिक आणि सांसारिक क्षेत्रात सर्वोच्च यश मिळवणारे एकमेव व्यक्तिमत्त्व म्हणजे हजरत मुहम्मद (सल्ल.) आहेत."*

आपण स्त्रियांना वारसा हक्क दिला, गुलामगिरी समाप्त केली, जातीभेद नष्ट केला, समाजाला नैतिकतेवर उभे केले, न्यायव्यवस्था निर्माण केली आणि खरी समानता रुजवली.

*❇️ परिवर्तनाची झलक*

*१) मानवी समानता:*

आपण शिकवले की सर्व माणसे एकाच आई-वडिलांची अपत्ये आहेत आणि सर्व समान आहेत. जात, रंग, भाषा किंवा धर्मावर श्रेष्ठत्व नाही. आपल्या जवळचे सहकारी हजरत बिलाल (र.अ.) काळे हबशी होते आणि हजरत सलमान (र.अ.) फारसी होते – हेच त्या शिकवणीचे उदाहरण आहे.

*२) धार्मिक स्वातंत्र्य:*

कुरआनने स्पष्ट सांगितले –

*"धर्मात कोणतीही जबरदस्ती नाही."* 

(कुरआन २:२५५)

आपण इतर धर्मांचा आणि त्यांच्या संदेष्ट्यांचा सन्मान करण्यास सांगितले. मदीनेतील ख्रिश्चन प्रतिनिधींना आपण मस्जिदेत त्यांच्या पद्धतीने उपासना करण्याची परवानगी दिली.

*३) स्त्रियांचे अधिकार:*

आपण मुलींच्या हत्येवर बंदी घातली, विवाहात निर्णयाचा अधिकार, घटस्फोटाचा अधिकार, वारसा हक्क, शिक्षणाचा हक्क, खोटे आरोप करणाऱ्याला शिक्षा अशा अनेक अधिकार स्त्रियांना दिले – जे इतर समाजात २०व्या शतकात मिळाले.

*४) नैतिकतेची स्थापना:*

आपण सांगितले की नैतिकतेचे निकष काळानुसार बदलत नाहीत.

झूठ, फसवणूक, खून, व्याजखोरी, भ्रष्टाचार – हे नेहमीच अनैतिक राहतील. सत्य, न्याय, वडीलधाऱ्यांचा सन्मान, प्रामाणिकपणा – हे नेहमीच नैतिक राहतील.

*५) राजकारणात आदर्शांची अंमलबजावणी:*

आपण शासकाला प्रजेसाठी सेवक मानले. स्वतः अत्यंत साधे जीवन जगले, जमिनीवर झोपलात, अन्न मिळाले नाही तर उपास राहिलात – आणि आपल्या अनुयायांनीही हा आदर्श जपला.

*❇️ हजरत मुहम्मद (सल्ल.) यांचा संदेश*

*▶️"जो ईश्वराशिवाय इतरांची उपासना करत मरण पावतो, तो नरकात जाईल."*

*▶️"पालकांची सेवा व आज्ञापालन करणारा स्वर्गात जाईल, त्यांना दुःख देणारा नरकात जाईल."*

*▶️"अल्लाहच्या अवज्ञेत कोणत्याही माणसाचे आज्ञापालन करू नका."*

*▶️"तुमच्यातील सर्वश्रेष्ठ तो आहे जो आपल्या स्त्रियांशी उत्तम वर्तन करतो."*

*▶️"अत्याचारी शासकासमोर सत्य बोलणे ही सर्वात मोठी जिहाद आहे."*

*▶️"अधीनस्थांना त्यांच्या क्षमतेपेक्षा जास्त काम देऊ नका."*

*▶️"व्याज घेणे हे सर्वात घृणास्पद पाप आहे."*

*▶️"जसे वर्तन तुम्हाला इतरांकडून हवे आहे तसेच वर्तन तुम्ही त्यांच्याशी करा."*

☘️☘️☘️☘️☘️☘️☘️☘️☘️

(पैग़ंबरांचे जीवन व शिकवणी याविषयी अधिक माहिती हवी असेल कृपया खालील क्रमांकावर व्हाट्सअप करा. *पीडीएफ पुस्तिका* शेअर करण्यात येईल)

✍️ 9421378600

☘️☘️☘️☘️☘️☘️☘️☘️☘️