शिक्षण महर्षि गुलाम वस्तानवी यांनी लाव लेले रोपटे चे झाले मोठे वृक्ष

शिक्षण महर्षि 

गुलाम वस्तानवी यांनी लाव लेले रोपटे चे झाले मोठे वृक्ष.

------------------------------------

नंदुरबार दिनांक -  ( नजीमोद्दीन काजी ) 

महाराष्ट्र राज्यतील नंदुरबार जिल्ह्यातील अक्कलकुंवा येथील मकरानी मोहल्ल्यातून 1979 मध्ये एका छोट्याशा झोपडीत सहा मुलांसह सुरू झालेल्या जामिया इस्लामिया ईशातुल उलुम या संस्थेने आज देशभरात 1 लाख 70 हजार विद्यार्थ्यांना शिक्षण देणारी एक प्रचंड शैक्षणिक संस्था बनली आहे. 90 एकर परिसरात पसरलेली ही संस्था प्राथमिक शाळेपासून ते एमबीबीएसपर्यंत शिक्षण प्रदान करते. यात प्राथमिक, माध्यमिक, उच्च माध्यमिक शाळा, बी.एड. महाविद्यालय, आयटीआय, डिप्लोमा आणि बी.टेक इंजिनीअरिंग कॉलेज, बी.फार्मा, बी.युनानी मेडिसिन आणि 100 एमबीबीएस प्रवेश क्षमता असलेली वैद्यकीय शिक्षण व्यवस्था आहे. याशिवाय, 300 खाटांचे रुग्णालय, दररोज 600 बाह्यरुग्ण (OPD) आणि 230 अंत:रुग्ण (IPD) यांना वैद्यकीय सेवा, तसेच दररोज 30 शस्त्रक्रिया (सर्व विभाग मिळून) येथे होतात.

या संस्थेचे संस्थापक मौलाना मोहम्मद गुलाम वस्तानवी यांनी दानशूर व्यक्तींच्या मदतीने आणि समाजाच्या सहकार्याने हा शिक्षणाचा भव्य डोलारा उभा केला. या संस्थेतून आतापर्यंत 2 लाखांहून अधिक विद्यार्थ्यांनी व्यावसायिक अभ्यासक्रमातून पदवी प्राप्त केली आहे, यापैकी 1 लाखांहून अधिक विद्यार्थ्यांनी मोफत शिक्षण घेतले आहे. संस्थेच्या 70-75% खर्चाची पूर्तता दानाद्वारे, तर 25-30% खर्च श्रीमंत विद्यार्थ्यांच्या फीमधून होतो.

मौलाना मोहम्मद गुलाम वस्तानवी यांचे 2025 मध्ये निधन झाले. त्यांच्या निधनानंतर, काही राजकीय शक्ती आणि मुस्लिमविरोधी गटांनी या संस्थेवर खोटे आरोप लावून ती बंद करण्याचा किंवा तिची प्रतिमा डागाळण्याचा प्रयत्न केला आहे. याची झलक महाराष्ट्र विधानसभेच्या पावसाळी अधिवेशनात दिसून आली, जिथे संस्थेविरुद्ध काही वादग्रस्त चर्चा झाल्या.

या शैक्षणिक साम्राज्याचा प्रवास आणि त्याला सामोरे जावे लागणारे आव्हाने यामुळे जामिया इस्लामिया ईशातुल उलुम ही केवळ शिक्षणाचीच नव्हे, तर सामाजिक एकता आणि दृढनिश्चयाची प्रेरणादायी कहाणी आहे.