खड्डेमय राष्ट्रीय महामार्गाला आले तलावाचे स्वरुप , पानगाव इथली घटना
-------------
लातूर जिल्ह्यातील रेणापूर तालुक्यातील पानगांव येथुन जाणाऱ्या राष्ट्रीय महामार्ग क्रं.३६१ एच वर संभाजी चौक ते वैभव बिअर बार दरम्यान रस्त्यावर पाच मिनीट पडलेल्या पावसाने रस्त्यावर गुडघाभर साचले पाणी साचल्याने राष्ट्रीय महामार्गाला तलावाचे स्वरुप आले आहे. या महामार्गाच्या निर्मितीला लोकप्रतिनिधींचा नाकर्तेपणा आणि राष्ट्रीय महामार्ग विभागाची उदासिनता कारणीभुत आहे अश्या खड्डेमय रस्त्यावरून जाताना वाहन धारकांची त्रेधापीठ उडत असुन व्यापारी, प्रवाशी आणि गावकऱ्यांचा मात्र जीव टांगणीला लागला आहे. उमरगा ते खामगांव राष्ट्रीय महामार्ग क्र.३६१एच हा २०१८ ला मंजुर करण्यात आला. एका बाजुने उमरगा ते खरोळा फाट्या पर्यंत तर दुसऱ्या बाजुने धर्मापुरी कडुन येणारा पानगांव रेल्वे गेट पर्यंत रस्ता पुर्णत्वास आला आहे. पानगांव रेल्वे गेट पासुन ते खरोळा फाटा दरम्यानचा केवळ १४ कि.मी इतकाच रस्ता शेतकऱ्यांच्या मावेजाचे कारण पुढे करत महामार्ग विभागाने रस्ता निर्मितीचे काम करण्याचे थांबविले आहे. सन २०१८ ला राज्य महामार्ग विभागाने हा रस्ता राष्ट्रीय महामार्ग विभागाला वर्ग केल्यामुळे गेल्या दोन वर्षापासुन या रस्त्याचे मजबुतीकरण होवु शकले नाही त्यामुळे खरोळा फाटा ते पानगांव दरम्यानच्या रस्त्याची चाळन झाली असुन जागोजागी मोठमोठे खड्डे पडले आहेत. त्यामुळे दिवसेंदिवस अपघाताचे प्रमाण वाढत आहे. सदरील राष्ट्रीय महामार्ग पानगाव शहरामधुन जात असल्याने अण्णाभाऊ साठे चौक ते रेल्वेगेट दरम्यान रस्त्यावर कमरे इतके मोठ मोठे खड्डे पडले आहेत. अगोदरच पडलेले खड्डे आणि पडत असलेल्या पावसाने वाहन धारकांना खड्यातील पाण्याचा व चिखलाचा अंदाज येत नसल्याने अनेक दुचाकी वाहनधारक या रस्त्यावर घसरुन पडत आहेत, पायी चालणारा व्यक्ती या रस्त्यावरुन चालुच शकत नसल्याने याचा परीणाम पानगाव मधील व्यापारावर होत आहे. किमान पानगाव शहराअंतर्गत येणारा आण्णाभाऊ साठे चौक ते रेल्वेगेट पर्यंतचा रस्ता दुरुस्त करावा अशी मागणी पानगावकरांच्या वतीने अनेक वेळा निवेदने आंदोलने करून केली परंतु याकडे ना लोकप्रतिनिधींनी ना महामार्ग विभागाने लक्ष दिले नागरिकांचा संताप पाहून अंदोलना पुरते केवळ रस्त्याची थातुरमातुर डागडुजी केली आहे
0 Comments